Måndag
- 12-14Karatreff
Varmestova på skisenteret
Ope møte torsdag 12. november kl. 19-21 på Smia. Kom og høyr korleis du kan bidra til Hornindal 514 Utvikling, anten du er bedrift, lag, organisasjon eller privatperson. Legg til i kalender
Sida er under bygging. Vi samlar det som skjer i bygda, og fleire arrangement og tilbod kjem til. Manglar noko, tips oss.
← Tilbake til framsida
Kva skjer
Kva skjer i Hornindal?
Arrangement gjennom året, faste tilbod kvar veke, aktivitetar for born og unge og det praktiske som er greitt å vite i bygda. Samla på éin stad, anten du har budd her heile livet eller nettopp har flytta hit.
Kalender
Dette skjer framover.
Dei store arrangementa kjem att kvart år, ofte same veka. Abonner på kalenderen, så ligg dei i kalenderen på telefonen din, og nye arrangement kjem med av seg sjølv.
Andre kalendrar, som Outlook, kan abonnere på adressa https://hornindal514.no/kalender.ics
2026
-
Barneidrettsskulen: turn i Stryn
For 1.-6. klasse, og søsken kan vere med.
-
Ope møte om Hornindal 514 Utvikling
Kom og høyr korleis du kan bidra, anten du er bedrift, lag, organisasjon eller privatperson.
-
Ensemble NordLys: Peder Gald
Ei førestilling i ord, bilete og tonar om lausungen frå Blakset som vart skipskommandør i Amerika.
-
Barneidrettsskulen: volleyball
1.-4. klasse kl. 17.30-18.30 og 5.-6. klasse kl. 18.30-19.30. Søsken kan ikkje vere med.
-
Barneidrettsskulen: volleyball
For 1.-6. klasse. Søsken kan ikkje vere med.
-
Tradisjonell lutefiskaften
Med Kokkekompisene.
-
Korpsbasar med Hornindal Musikkorps
Kvart år: 1. søndag i advent
-
Julemarknad på Dølheim
Hornindal Ungdomslag inviterer til stand, loddsal og kafé.
-
Lysmesse
-
Julegudsteneste
2027
-
17. mai
Barnetog, gudsteneste og program i Honndalshallen. Programmet kjem når det nærmar seg.
-
Hornindal Rundt
Fjell-ultraen rundt Honndalen. Vil du heller hjelpe til, treng arrangøren mange frivillige.
Kvart år: laurdag i veke 27
-
Hornindalsvatnet Maraton
Løp langs Hornindalsvatnet sidan 1992, med distansar heilt ned til minimaraton.
Kvart år: laurdag i veke 30
-
Kulturdagane i Hornindal
Konsertar ved vatnet og program for heile familien.
Kvart år: første helga i august
Datoane for 2027 er rekna ut frå når arrangementa har vore før, om ikkje arrangøren har kunngjort dei. Sjekk hos arrangøren før du legg planar.
Utan dato enno: julegateopninga i Grodås sentrum (vanlegvis ein laurdag i slutten av november), Dansegalla (sist i august) og Hornindalsrokken Skyrace (august). Gudstenester og konsertar i kyrkja står i kyrkjekalenderen.
Manglar eit arrangement? Meld det inn her, så legg vi det inn i kalenderen.
Kvar veke
Faste tilbod.
Frivilligsentralen, biblioteket, omsorgssenteret og andre har faste tilbod gjennom veka. Tidene gjeld hausten 2026.
Tysdag
- 10-11Trimmen 55+
Speilsalen i Honndalshallen - 13-14Naturmøteplassen, bål og varm drikke for alle aldrar
Groparken, annakvar veke fram til 1. desember
Onsdag
- 10.30Bingo
Årestova på omsorgssenteret - 14-19Biblioteket er ope
Smia - 15-17Seniortreff
Kommunestyresalen på Smia, fram til 25. november - 18-20.30Hangout for ungdomstrinnet
Grosalen i Grobygget, fram til 16. desember
Torsdag
- 10-11.30Datakaffi
Kommunestyresalen på Smia - 19-20.30Gratis symjing for alle som bur i gamle Hornindal kommune eller går i barnehage og skule der
Voldabadet
Fredag
- 20.00Lønningspils eller pepsi, kom og bli så lenge du vil
Olavs Matkro & Pub, siste fredag i månaden
Søndag
- 19.00Innebandy, ta kontakt for å bli med i gruppa på Messenger
Honndalshallen
Fleire aktivitetar og påmelding finn du på Friskus, der frivilligsentralen legg ut tilboda sine.
Born og unge
For born og unge.
Det meste for born og unge i bygda blir drive av lag og foreldre på dugnad. Tider og påmelding får du hos laget.
Kveding
Kvedargruppa i Hornindal Spelemannslag øver kvar torsdag på Smia, leidd av Oline Løvlid. Born frå to år kan vere med, og undervisninga og maten er gratis. Foreldra betaler medlemskontingent til laget.
Idrett
Hornindal Idrettslag har barneidrettsskule for 1.-6. klasse. Aktivitetane er gratis, men barna må vere medlemmer i idrettslaget (rundt 250 kr for born og 600 kr for ein heil familie), og foreldra er med. Hornindal Fotball har lag for born og unge frå 9 til 14 år. Om vinteren er det skileik for born frå 6 til 12 år.
Skisenteret
Hornindal Skisenter ligg åtte minutt frå sentrum. Heiskortet er gratis for born 0-7 år, og 4. klasse får gratis sesongkort om dei bestiller på nett og hentar kortet før 31. januar. Rekrutten er eit eige trekk for nybyrjarar og born, og den tre kilometer lange lysløypa er gratis.
4H
Fjellreven 4H er 4H-klubben i bygda. I 4H kan born og unge bli medlemmer frå dei er 10 år, og lære gjennom å gjere ting sjølv.
Ungdom
Hangout er møtestaden for ungdomstrinnet kvar onsdag kveld i Grosalen i Grobygget, med foreldre som vakter. Elevar på 7.-10. trinn får gratis abonnement på Voldabadet ut 2026.
Lån utstyr
Treng ungane ski, truger eller telt? BUA Hornindal i Grobygget lånar ut utstyr gratis, og føresette kan leggje til born som medlåntakarar.
Praktisk kvardag
Godt å vite når du bur her.
Kvar kan eg låne utstyr gratis?
BUA Hornindal lånar ut telt, soveposar, SUP, kajakk, truger, ski og mykje anna, gratis. Utlånet er sjølvbetent og ope kvar dag 08-22, også i helgar og høgtider. Du finn det i Grobygget ved badestranda, med inngang ved scena i parken. Lånetida er sju dagar.
Du låner med appane BUA og Unloc, og må vere 18 år for å lage låneprofil. Føresette kan leggje til born som medlåntakarar. Les meir om BUA hos Volda kommune.
Når er biblioteket ope?
Hornindal bibliotek held til på Smia og er ope onsdag 14-19. I feriar og høgtider kan tidene vere andre. Torsdag 10-11.30 er det Datakaffi på Smia. Sjå sidene til biblioteket.
Når er butikkane opne?
Coop Prix er open måndag-fredag 08-22 og laurdag 08-21, og har òg post og elbillading. Spar er open måndag-fredag 08-21 og laurdag 09-20. Begge er stengde på søndag.
Korleis fungerer søppelhentinga?
VØR hentar avfallet. I appen Min Renovasjon ser du når dei kjem. Den bemanna miljøstasjonen på Grodås er lagd ned, men tilboda ute for fritidsrenovasjon, tekstil og metall held fram. Næraste bemanna miljøstasjon er i Hovdebygda. Les meir hos VØR.
Kvar ringjer eg når nokon blir sjuke?
På dagtid ringjer du fastlegen. Hornindal legekontor i helsehuset på Grodås har telefon 57 87 98 70. Legevakta har telefon 116 117 heile døgnet. På ettermiddag, kveld og i helg er legevakta i Hovdebygda, og du må ringje før du kjem. Er det fare for liv, ring 113. Les meir om legevakta.
Korleis bestiller eg Honndalshallen?
Honndalshallen og andre kommunale lokale, som Smia, bestiller du i Romis, bestillingssystemet til Volda kommune. Til organisert aktivitet for born og unge under 18 år brukar du rabattkoden UNDER18. Sjå lokala kommunen leiger ut.
Kvar kjøper eg fiskekort?
Fiskekort for Hornindalsvatnet kan du kjøpe i sjølvbetjeningskassa i Grobygget og på Havila Hotel Raftevold. Born under 16 år fiskar gratis.
Kvar finn eg rutetidene for bussen?
Rutetidene for FRAM-bussane og ekspressbussane som stoppar på Grodås, finn du i Entur-appen og på entur.no.
Eg er ny i bygda. Kvar byrjar eg?
Hornindal Frivilligsentral på Smia veit det meste om kva som skjer, og er ei god dør inn i bygda. Volda kommune har ei eiga side for nye innbyggjarar. Vil du bli med i eit lag, finn du dei på frivilligsida vår.
Tips oss
Veit du om noko som manglar?
Send oss arrangement, faste tilbod og ting som nye i bygda bør vite, så legg vi det inn. Lag og arrangørar kan gjerne sende datoane for neste år.
Meld inn eit arrangement
Fyll ut skjemaet, så kjem arrangementet i kalenderen når vi har sett over det.
Opne skjemaetSkjemaet ligg hos Google og spør ikkje etter namn eller kontaktinformasjon. Alt du skriv, kan bli publisert. Les meir i personvernerklæringa.